Chalte chalte...

Aasma me dekha abhi,
ek sitara toot gaya....
chalte chalte bich safar me,
ek sahara chut gaya....


tavajjo di thi zindagi me usko bahut,
dariya to vahi thi..bas kinara tha door gaya...


chalte chalte biich safar me...ek sahara toot gaya...


hum to bharosa kie baithe the mukaddar pe hamare,
par vo mukaddar-e-zalim bhi hamse rooth gaya...


chalte chalte biich safar me...ek sahara toot gaya...


zindagi maut ka mohtaj nahi hai pyar hamara,
hame to ye yaad hai..shayad khuda ye bhul gaya...

chalte chalte biich safar me...
ek sahara chut gaya...

Beti ki Bhavnaa...

Main hi kyu parayi ki ja rahi hu maa,

bhaiya bhi to teri hi kokh se janma hai na maa,

main to hamesha se teri rajkumari thi na,

aaj kaise tune moh tyag dia maa,

maine apni zindagi k sapne dekhne shuru hi kiye the,

tune unhe kaanch ki ratah tod dia maa,

socha tha teri seva karke khushi dungi tujhe,

tune ye mauka mujhse kyu chin lia maa,

har pal tere daaman me chupne ki adat hai mujhe,

tune kaise apna daman mujhse chin lia maa,

jab bhi main darti hu tera haath pakadti hu,

tune kaise mujhe paraye haathon me saup dia maa,

bachpan se tune kaha main hu teri apni,

aaj kyon tune ye sabit nahi kia maa,

us anjane mahol me mujhe har pal teri yaad aayegi,

kya tune bhi kabhi ye socha hai maa,

ye parayepan ka ehsaas mujhe khaye ja raha hai,

kya tera pyaar bas ek dikhava tha maa...