....

Zindagi me saath ko tere,

maine koi koshish chodi na thi,

wade sare kie the poore,

koi kadi tooti chodi na thi..

Har pal saath nibhaya tha,

har mushkil ki thi aasan,

har khushi me thi saath tumhare,

har gam me aansu bahaya tha..

Har mod pe bas kaante hi the,

jinhe par karke main aage badi,

tere saath ko main bas tere liye,

har ek rishte ki sooli chadi..

Ma roi thi chillayi thi,

jag hasai jo maine karayi thi,

main na mani thi jo thani,

bas tere liye thi deewani..

Ek din aya sapna toota,

kismat ne jab mujhko loota,

tu bich rah par chod chala,

judi hui kadiyan tod chala..

Meri galti thi ya na thi,

mujhe pata nahi kya khata rahi,

par aaj khata ye karti hu,

teri yad me pal pal marti hu...